පේ‍්‍රමයේ අභිමන්

හමන මදනළ නැගෙන හසරැලි

ගිමන් නිවනා විරහ කදුලැළි

පේ‍්‍රමයේ සැඩ චණ්ඩ මාරුත

ලැබූ සොම්නස කෙලෙස පවසම්....

වසත් සමයේ මලින් සැරසෙන

මල් විමන් මැද තුටින් සැනසෙන

විදින යුගයේ දැනෙන පේ‍්‍රමය

කෙලෙස ලබමිද අහිමි වූ දින....

සෙනෙහසේ මල් විමන් දොර ළග

නුඹත් සමගින් ගෙවූ කාලය

ළබැදි සෙනෙහස පොපියනා හද

අතීතෙට පමණක්ම අයිති ද?

දිනකරගේ ලෙස දින ගෙවී යන

දවස් ගෙවෙනා අයුරු නොදැනෙන

 ජීවිතේ මැරි මැරී උපදින

පේමයේ අභිමන්ද මා ලද....